30 March 2008

Die Bali Grand

Ek was onlangs weer in Durban vir werk en hierdie keer is ons ingeboek in die "Bali Grand Geust Lodge". Die bed en ontbyt plekkie is in Amanzimtoti en ongeveer 20km van Durban af. Die verkeer in en uit Durban was glad nie te erg nie en daarom was die 20 km glad nie sleg nie. Mens ry heelpad langs die N2 en kan binne 30 of 40 minute in Durban se middestad wees.

Die plekkie is hoofsaaklik vir besigheids mense wat in die Durban omgewing kom besigheid doen, maar hulle verwelkom ook vakansiegangers. Die tarriewe is ook heel billik vir wat mens kry. Vir 'n paartjie betaal mens R640, wat R320 per persoon is. Die plekkie is 'n klipgooi van die Indiese Oseaan af en nie te vêr van Amanzimtoti se hoofstrand af nie. Ek kon vanuit my kamer die hotel sien waar van die Boedies een keer op Universiteit gaan vakansie hou het.


Amanzimtoti
Die atmosfeer by die Bali Grand is heel gemaklik met hulle selfbedienings kroeg, waar mens vir jouself 'n bier kan gryp en dan net later vir hulle sê wat jy gehad het. Die kamers is baie groot met die lieflikste mat waarop ek net heel aand kaalvoet op wou loop. Dit laat mens sommer ontspan na 'n lang dag se vergaderings. In die kamer is daar ook 'n mini yskassie met allerhande drankies. Die sisteem is dieselfde hier, jy neem waarvoor jy lus is en as jy uitboek, laat jy hulle net weet wat jy gehad het.

Die beste is seker om die oggend op te staan, 'n lekker stort te vat en op die balkon te gaan sit met 'n stomende koppie koffie terwyl jy staar na die verskillende skakering van oranje en geel wat die son op die horison gooi soos wat dit oor die see opkom. So as jy ooit in die Durban omgewing moet gaan besigheid doen of selfs net vir 'n naweek wil gaan ontspan, kan jy gerus die Bali Grand probeer.

[Kliek op die + om in te zoom]

Sien groter kaart

Hulle web adres is: http://www.baligrand.co.za/

1 comment:

Anonymous said...

Lekker Stefan! Now you need to organise and take your wife along! Sex on the beach and waking up to her would make it perfect!!!